Su B&B MariaChiara est nou meda, obertu in Casteddu in una domu indipendenti torrada a nou in Làmpadas de su 2009, tenet s’autorizatzioni de sa Comuna de Casteddu n. 163606 de su 23/07/2009

Nascit in s’apendìtziu de Pirri, acanta de su Parcu citadinu de Monte Claro e de su Casteddu de Santu Miali, acanta de is spidalis de sa citadi, colligau beni meda a su centru stòricu, a s’arenaxu de su Poetu e a is printzipalis centrus de s’hinterland castedaju e de sa Sardigna

Casteddu est sa capitali de sa Regioni Autònoma de sa Sardigna e sa citadi prus manna e importanti de s’isula

Su clima pròpiu de su Mediterràneu, cun ierrus caldùmus e stadis callentis, arenaxus spantosus e is sinnalis de unu passadu arricu de storia, faint Casteddu e s’hinterland suu su logu ideali po is turistas

Sa domu est acoliosa, s’ambienti est giovanili, ballansosu e serretzosu, perfetu po chi depit stai in Casteddu po traballu o po is fèrias, in unu apendìtziu tranchillu, fornidu beni de is mèdius pùbblicus, cun serbìssius medas acanta, a fora de s’abollotu de su centru

Su B&B est fendu s’atividadi cosa sua castiendi a su rispetu de s’ambienti, peri ponendi un impiantu fotovoltàicu chi at a fai sa domu autonoma po su chi pertocat s’energia e favoressendi sa regorta diferentziada de s’àliga

Atrus progetus si funt studiendi po imboniri s’acasàgiu e po donai prus servìtzius a is stràngius nostus